Ariketak

Nekazariek egunsentitik ilunabarrera arte egiten zuten lan, baina, halere, ez zuten beti uzta ona lortzen. Golde erromatarra utzi eta golde belarriduna erabiltzen hastean nabarmen handitu zen lurrari ateratzen zitzaion etekina. Zein mendetan zabaldu zen golde horren erabilera Europan?

	X.ean
	XI.ean
	XII.ean

Nekazarien otorduak oso antzekoak ziren egunero. Zein zen haien elikaduraren oinarria?

	Txahala
	Gaztainak
	Ogia

Gizarteko estamentu pribilegiatuek luxuzko produktuak kontsumi zitzaketen --noski. Zergatik zituzten baliabide gehiago?

	Merkataritzatik eskuratzen zituzten etekinengatik
	Jenerotan kobratzen zituzten petxengatik eta uzten hamarrenengatik
	Jokotik jasotako etekinengatik

Hiribilduen inguruko harresien atzean zer zegoen?

	Kale mehar zoladuradunak, erdigune baten inguruan antolatuak, labirinto baten antzera
	Kale zoladuradunak cardus eta decumanus izeneko bi bide nagusiren inguruan egituratuak
	Kale meharrak, kantoitan banatuak, harriztatu gabeak eta ez oso txukunak

Errege-erreginen eta nobleen mahaiak alde batera utzita, sukaldeko tresneria murritza zen. Koilara zen mahai-tresna nagusia, sardexka ez baitzen oso ezaguna oraindik. Etxebizitza apalenetan zerez egindako mahai-tresnak ez zituzten erabiltzen?

	Egurrezkoak
	Kobrezkoak
	Beirazkoak

Jaiegunak urri samarrak izaten ziren zenbaitentzat, eta halako egunetan olgetarako ekitaldiak antolatzen zituzten: dantzaldiak, entzierroak, txotxongiloak, karta-jokoak, dado-jokoak. Tabernak ere bazeuden, noski. Zein ziren orduko edari bizi arruntenak?

	Ardoa eta sagardoa.
	Sagardoa eta garagardoa
	Ura eta ardoa

Heriotza eguneroko kontua zen garai hartan. Gogor lan egiten zuten, gaizki elikatzen ziren, sendabiderik ez zuten gaixotasunak jasaten zituzten, gerrak zeuden… Horrek guztiak laburtu egiten zuen bizi-zikloa. Zenbatekoa zen bizi-itxaropena?

	40 urtekoa
	30 urtekoa
	50 urtekoa

Burgesen irudia hiribilduekin batera sortu zen. Merkatariak han finkatzen ziren, eta merkatuetan hainbat produktuz hornitzen ziren hiribilduetako biztanleak. Artisauek non burutzen zuten beren merkataritza-jarduera?

	Ahal zuten tokian
	Harresien kanpoaldean
	Beren etxearen aurrealdean, han denda jartzen baitzuten

Hiribilduetako etxebizitzek ez zuten luxu handirik, eta dekorazioa urri samarra izaten zen. Etxebizitza horietan ondokoen arteko zer ez zuten?

	Iturriko ura
	Kaleko argia
	Ukuilua